ٹماٹر گملے میں کیسے اگائیں ‼️
تحریر و:- محمد محسن
@Muhamad__Mohsin
زمین کی نسبت گملے میں ٹماٹر اگانا تھوڑا مشکل ہے کیوں کہ زمین پودے کے لیے ایک قدرتی جگہ ہے ۔زمین سے پودا بہت سی غذائیت باآسانی حاصل کر لیتا ہے جو گملے سے حاصل نہیں کرپاتا۔گملے میں جگہ بہت محدود ہوتی ہے اور غذائیت بھی۔ تو گملے میں غذائیت کہ لیے باہر سے خوراک مہیا کرنی پڑتی ہیں۔
اگانے کا طریقہ۔
ٹماٹر اگانے کہ لیے اچھی نسل کے بیج حاصل کریں ۔ٹماٹر کی بے تہاشا اقسام ہیں۔جس میں مختلف جسامت اور رنگ شامل ہیں۔ٹماٹر کہ بیج آپ 7 سے 8 انچ کے گملے میں لگا کر اس کی پنیری بناسکتے ہیں۔ٹماٹر کہ بیج لگانے کے لیے اکتوبر ۔نومبر اور فروری مارچ بہترین ہیں ۔ٹماٹر سارا سال اگتا ہے لیکن زیادہ سردی میں کورے سے بچانے کے لیے پلاسٹک کور اور زیادہ گرمی سے بچانے کے لیے گرین نیٹ کا استعمال کرنا پڑتا ہے۔ٹماٹر کی پنیری تیار ہونے کہ بعد آپ اسے بڑے گملوں میں منتقل کردیں کم ازکم گملہ کا سائز 10 انچ ہو اور 16 انچ بہترین ہے۔
ٹماٹر کو سہارے کی ضرورت ہوتی ہے تو وقت کی ساتھ اسے کسی ڈوری یا سٹک کے ساتھ باندھتے جائے۔
مٹی کی تیاری۔
ٹماٹر کی مٹی بنانے کے لیے 50% بھل مٹی 30% پتوں کی کھاد اور 20% گوبر کھاد استعمال کریں۔ٹماٹر کو گملے میں شدید قسم کی کیلشیم کی کمی کا سامنا کرنا پڑتا ہے جو کہ ٹماٹر کے گلنے کا باعث بنتا ہے جس کو بلوسم اینڈ روٹ کہتے ہیں۔اس سے بچانے کے لیے مٹی بناتے ہوئے انڈوں کے چھلکے پیس کے ڈالدیں۔
ٹماٹر کہ پودے پہ مدر پلانٹ کہ ساتھ برانچز کہ درمیان نئے پودے بننا شروع ہوجاتے ہیں جن کو الگ کردینا چائیے کیوں کہ وہ پودے کی غذائیت کو اگے جانے نہیں دیتے اور پھل چھوٹا بنتا ہے ان سکرز کو الگ کر کے اگر مٹی میں لگا دیا جائے تو نئے پودے تیار ہو جاتے ہیں۔
پانی۔ٹماٹر کے پودے کو پانی نارمل دینا چائیے ۔پھول اور پھل آنے پر پانی کم کردینا چائیے۔جب تمام پھول پھل میں تبدیل ہو جائے اور پھل کا سائز فالسے جتنا ہو جائے تو پانی دوبارہ نارمل کردیں۔
بیماریاں‼️۔ٹماٹر کو لیف مائنر کا اٹیک بہت ہوتا ہے ۔اس کہ علاوہ میلی بگز ۔کالا تیلہ ۔تدارک کے لیے نیم آئل ایک سپون اور لیقوڈ ڈش واشر ہاف سپون ایک لیٹر پانی میں مکس کر کے سپرے کردیں ۔اگلے دن سادے پانی سے صاف کردیں۔
ٹماٹر کو لیف کرل وائرس کا حملہ بھی ہوتا ہے جو سفید مکھی لے کر آتی ہے جس کا علاج ممکن نہیں اس صورت میں ایسے پودے کو فوری تلف کردینا چائیے تاکہ وائرس مزید نہ پھیلے۔
ٹماٹر کہ پودے دو قسم کہ ہوتے ہیں ۔ڈیٹرمینٹ اور انڈٹرمینیٹ ۔ڈیٹرمینیٹ پودے ایک ساتھ تمام پھل دیتے ہیں جب کہ انڈٹرمینیٹ مختلف اوقات میں اور ان کے پودے کا سائز بہت بڑا ہوتا ہے ۔
ٹماٹر کے پودے تقریباً 6 مہینے چلتے ہیں اس کے بعد اگر آپ کو ٹماٹر چاہیے ہوں تو دوبارہ بیج لگادیئے جاتے ہیں۔
