میں کبھی بھی نہیں چاہتا تھا کہ اس مرد مجاہد پر لکھوں کم سے کم اس وقت تو کبھی بھی نہ لکھوں جب تک یہ طاقت کا سرچشمہ ہیں اور ان کی تعریف میں بطور چکوالیا کر کے ان کے قد کو بہت چھوٹا کر دوں گا کیونکہ یہ چکوال کی ملک میں نہیں ، نہ ملک کے اختیار پر ملک کی دنیا میں پہچان ہے اور نہ ہی یہ شخص آرمی کی وجہ سے ہے بلکہ کچھ ظرف ایسے بڑے ہوتے ہیں جو اپنے آپ میں ملک و قوم و ملت کی پہچان بن جاتے ہیں، مجھے یہ کہنے میں ذرا برابر بھی عار نہیں کہ یہ شخص اپنی ذات میں آرمی کا فخر ہے ، یہ شخص اپنی ذات میں ملک پاکستان کا فخر ہے ، یہ شخص اپنی ذات میں چکوال ایک چھوٹا سا ضلع ہے اس کا فخر ہے
اس قوم کو بھولنے کی عادت ہے ، اس قوم کو کلبھوشن یادوو بھول چکا ہے ، خودکش دھماکے بھول چکے ہیں، پاکستان میں RAW ، موساد، اور بیرونی ایجنسیوں کی اجارہ داریاں بھول چکی ہیں، اس ملک کی اشرافیہ کے نزدیک یہ شخص جو قابل مذمت ہے سوچیں کہ کیوں قابل مذمت بنا ، یہ ذرا عار کی بات نہیں کہ عمران خان جو آج اس قوم کا ہیرو ہے اسی شخص کی قوم کو عطا ہے ، یہ شخص جس کی دنیا کا نمبر ون سپائی کا ایوارڈ و نام ملا واحد وہ شخص ہے جس کے ساتھ دو شفٹیں چلتی تھیں ، یہ نہ تھکنے والا پاک فوج کا وہ جرنیل ہے جس نے ہمارے ایٹمی اثاثوں کے نقشہ جات جب ہماری آرمی میں چند غداروں کی غداری سے بیچے گئے ، جب کلبھوشن یادوو نے ایران کے بارڈر پر رہ کر پاکستان کی ہر مسجد میں بم گرائے اور جب ہمارے اشرافیہ کی ذاتی ملوں میں انڈین را کے اہلکار کام کر رہے تھے تو پاکستان کو کیسے بچایا کہ آج آرمی کے جرنیلوں کی عزت بھی بحال ہے اور ملک بھی باقی ہے، تبھی تو عمران خان مجبوری بنا
اندھوں کو بھی پتہ ہے کہ آرمی نے عمران خان کو حکومت بنا کر دی ، آرمی کا پولیٹیکل ونگ جو آئی ایس آئی کا ہے وہ رجسٹرڈ ونگ ہے اور اس کے سیاسی عزائم ہوتے ہیں اور یہ ایک رٹن حقیقت ہے ، سو اسکو اس پر مورد الزام ٹھہرانا زیادتی نہیں تو اور کیا ہے جبکہ اس دور میں جن کو غدار ثابت کیا گیا وہ ہی آج براجمان کر دئیے گئے ہیں ، ہر حکومت میں آرمی کا عمل دخل رہا خود نواز شریف صاحب بھی انہی کے مرہون منت ہیں مگر آرمی کی مداخلت ہمیشہ سے اس وقت ہی ہوتی تھی یا تو جب چیف آف آرمی سٹاف آرمی کا صدر ہوتا تھا یا پھر وہ کسی سیاسی پارٹی سے وابستگی رکھتا تھا مگر اس شخص کو ہر سیاسی پارٹی غداری کی مرتکب ملی ، خود آرمی جانتی ہے اس کے اندر غدار تھے ، مگر اس نے قوم کو ملت کو عمران خان جیسا محب وطن دیکر اس وقت بچایا جس وقت ہر شریف بک چکا تھا ،
آج چوھدری نثار سے جا کر پوچھیں کہ اس کی آخری پریس کانفرنس میں جو اس نے کہا تھا کہ اس ملک کی سالمیت کو جو خطرہ ہے اس سے میں اور 4 اور لوگ واقف ہیں اور حکومت نواز شریف صاحب کی تھی تو کیا وہ بتا سکتے ہیں کہ وہ ملکی سالمیت کو کیا خطرہ تھا ؟
اور اس خطرے سے وہ کون تھا جس نے اس ملک کو اور قوم کو نکالا ؟
کیا اس قوم کو وہ وقت بھول گیا ہے جب مگ اس ملک کی حدود میں داخل ہوا اور انڈیا سے کئی جگہوں پر ایٹمی تنصیبات لگا کر یہ سٹلائیٹ سے دیکھا گیا کہ پاکستان جواب میں جو ایٹمی تنصیبات لگاتا ہے کیا اس کی لوکیشن وہ ہی ہے اور انہی راستوں سے پرزے اکٹھے کیے جاتے ہیں جن راستوں کے نقشے ہم تک پہنچ چکے ہیں تو امریکہ اور اسرائیل کو منہ کی کھانی پڑی کیونکہ وہ نقشے جو بکے تھے ان کی لوکیشن کو تبدیل کرنے والا اور اس راز کو اپنے سینے میں دبا کر ملک اور قوم کی سالمیت کو بچانے والا یہ شخص کھڈی لائن لگ سکتا ہے ، اور اس کو کھڈی لائن لگ جانا چاہیے کیونکہ اس کی رگوں میں ایک محب وطن باپ کا خون ، اور ایک محب وطن ماں کا شیر ہے
اور ہم محبوں کو کھڈے لائن ہی لگاتے ہیں ، کھڈی لائن فاطمہ جناح بھی لگیں ، کھڈی لائن لیاقت علی خان بھی لگے ، کھڈی لائن بھٹو اور خاندان بھٹو بھی لگا، تاہم کھڈی لائن اس ملک پر شب خون مارنے والا ایک بھی جرنیل نہیں لگا ،
کھڈی لائن لگا تو صرف یہ جرنیل جو اپنے سینے کا پاکستان کو بیچنے والوں کے رازوں کا قبرستان بنا چکا ہے!
اس کی کھڈی لائن کم سے کم میرا فخر ہے اور میں کبھی بھی اس شخص پر اس کے اختیار کے دور میں نہیں لکھنا چاہتا تھا اور ان سے ایک ملاقات کا موقع بھی اس وجہ سے مس کیا کہ ان کی رٹئیرمنٹ کے بعد ان سے ملوں گا مگر افسوس کہ اس کھڈی لائن والے جملے نے دل چیر دیا
کاش اس ملک کی آئی ایس آئی کے کارناموں میں اس ڈبل شفٹ میں کام کرنے والے جرنیل کی حقیقت پبلش ہو تو اس قوم کو پتہ چلے کہ یہ اپنے ظرف میں پاکستان اور آرمی کا کیسا بڑا فخر ہے
لیکن یاد رکھیے گا
اگر یہ شخص کھڈی لائن سے ہٹ کر فرنٹ لائن پر آ گیا تو یہ وقت بتائے گا کہ یہ پاکستان کو اور قوم کو اور اس کے وقار کو کیسے سیدھی لائن لگاتا ہے ، یہ کھڈی لائن لگا شخص آج بھی جرنل باجوا کا اور فوج کا اور قوم کا باوفا سپاہی ہے اور میرٹ پر لگائیں یا میرٹ سے ہٹ کر ، چکوال کی ماوں کا دودھ ہی چیف آف آرمی سٹاف بنے گا کیونکہ ہماری مائیں ہمیں حب الوطنی دودھ میں پلاتی ہیں اور ہماری رگوں میں جنگی خون ہے ، یہ تو کھڈی لائن لگیں گے تو لگیں گے فلحال اس کا سیاسی لائن پر لگایا ہوا عمران خان ساروں کو کھڈی لائن لگا چکا ہوا ہے،
اور اگر وقت نے اس کو پھر موقع دیا تو یہ امریکہ کو کھڈی لائن بھی لگا دے گا، بظاہر ضرور عمران خان کو ہٹایا گیا لیکن امریکہ بہادر جس کا راہ روک رہا ہے اور جس سے تھر تھر کانپ رہا وہ درحقیقت یہ کھڈے لائن لگا ہوا شخص ہی ہے
یہ جرم کم ہے کہ سچائی کا بھرم رکھا
سزا تو ہونی تھی مجھ کو میرے بیان کے بعد
میرے خدا اسے اپنی امان میں رکھنا
جو بچ گیا ہے میرے کھیت میں لگان کے بعد
